2012 .. صور وذكريات

السلام عليكم .. كيفكم .. ؟
.
.
في البداية رح أحكي شغلتين، الأولى .. إني رح أدوّن باللغة العاميّة .. والثانية .. إني بدأت أدوّن هاي المدونة .. الساعة 10:30 مساءاً، بتاريخ 30/12/2012 .. بكرا بكون آخر يوم بالسنة .. ما علينا
.
.
الي خطر بالي، إني أستعرض سنة 2012 .. من خلال الصور، بعتذر لأي شخص توقع ان صورته تكون موجودة، وما كانت :/ 
الصور كثيرة .. أنا اختصرت كثير كمان .. 
رح أبلّش من الأقدم .. من بداية 2012 .. صورة وتعليق :)
.
.
.

الصورة بتاريخ 1-1-2012

إذاً، هوه أول يوم بالسنة، وهيه أوّل صورة ..
لوحتي الزيتيه لمادة رسم 2 .. بمساعدة محمد زريقات أعز أصدقائي وأحبهم بالنسبة الي .. مع انو هالأيام شيّبني، بس بضللو أكبر حصة .. مع الله يا محمد هههههههههه انت وابن عمكـ !! :D

ع فكرة، جبت بالمادة 89 .. كنت مفكر إني اختلصت من المرسم وقصصه .. بس للأسف ههههه الي بعدها كان أسخمم .. رح تعرفو 

.
.
.

سكتشات محمد زريقات

.
.
.

أكثر شي كان يعجبني بغرفته لما أروح عليه .. هوه طريقة عرضه لرسوماته والاسكتشات الي بعملها .. هاي الصورة أيّام ما كان مبلّش بمشروعه الفاينل للتخرج، ع فكرة .. حصل على أعلى علامة في تاريخ التخصص :) بمشاركة هيثم امام .. ما شاء الله عليهم :)

وإلي ذكريات عموماً معهم ههههههههههههههه 

باسل ابن عمو أكثر واحد بعرف :D

.
.
.

أنا وباسل

قلتلكم، باسل أكثر واحد بعرف، لأنو أكثر واحد كان يقعد جنبي بالشغل، هاي الصورة من غرفة محمد كمان، بالمناسبة، باسل حبيب قلبي ♥

.
.
.

رجل الثلج شخصياً، أمامة

بتذكّر انو نزل ثلج بـ 2012 .. يمكن هاي من أحلى الشغلات الي صارت .. صح ؟ 

.
.
.

الله يحفظ هالايدين، امي العزيزة ♥ 

أحكي ولا ما أحكي .. ممممممم
أختصرها ؟ ما بزبط .. بس يمكن كل واحد بعرف شو غلاة امه ♥

.
.
.

أبووووووووووووووووي ♥

يا ربي هاي الصورة قديش بحبها !! الله يحفظكـ يا والدي ويحفظ جميع آباء المسلمين .. 

.
.
.

يمكن أصحابي الي بالجامعة ما بعرفو مين الشباب الي بالصورة .. عموماً ..
الاخوان المشاطيب ( وبمون عليهم ) همه صحابي بالتوجيهي، وبعد التوجيهي، وقبل التوجيهي ... ودايماً وأبداً :))

من اليمين، مصطفى، Mr Friday أكيد هوه رح يعرفها ههههههههه
اسلام .. حبيب الشعب ..
وعلاء ، أبو شريكـ، وما أدراكـ ما أبو شريكـ ..
ع فكرة .. أكثر واحد اتصلت عليه أيام التوجيهي هوه علاء .. ! ذكرياااااااات الله يرحم :))

.
.
.

أنا ومحمد زريقات

أنا ومحمد بليلة ظلماء .. بتعرفو ليش ؟ هههههههههههههههههه
لأنو كنا بالسكن نشتغل ع مشروع التخرج تبع محمد، ورحنا يومها ع قصر الأراجيل .. وانقطعنا .. وموتنا من البرد .. ومن الجوع ..
ومن أي اشي بدكم ياه ..
بس كان لازم نتصور مشان نحتفظ بالذكرى !! 

.
.
.

مشروع الأبصر شو للأبصر شو

صح يا طلاب دفعتي ؟
لأنو عنجد هاي المادة ( الأبصر شو ) الي أخدناها بالجامعة .. ما طلعت منها باشي .. غير المسبات على ... حسبي الله عليها بسسس
والله يخليه الأستاذ علي الي زبطني بالمادة ..
طبعاً الصورة فيها شغل كل الطلاب، باليوم الي عملولي فيه حفلة ميلاد ههههههههههههه

.
.
.

عمر، أشرف ، أحمد الطل 

بتعرفو شغلة، هاي الصورة في كُرزا .. كنا رايحين نعمل بعض الجداريات للمدرسة الي هناكـ .. 

طيب شو المهم ؟
ولا اشي .. بس هيكـ .. أنا وأشرف وأحمد هههههههه

.
.
.

انبسطت يعني ؟ ههههههههههههههههه


أحمد زلوم يعقُر .. هههههههههههههههههههه
ما بتذكر شو كنت بدي من السيارة .. وهوه ما قصّر هههههههههههههه برضو في كرزا .. 

.
.
.

تفوح

أنا بحترم تفوح جداً جداً جداً ..
تفوح قرية أو بلدة ملاصقة للخليل ..
الي بالصورة، انو كان في عقدة ( صب باطون ) لمسجد بعملوه في جبل تفوح ..
وكل أهل الجبل اجتمعو زلامهم ونسوانهم .. وجابو أكلهم إلهم وللعمال .. كـ نوع من الترابط الاجتماعي والتعبير عن انهم مبسوطين بالاشي الي بصير
الله يحفظهم ويخليهم لبعض كلهم .. اشي بجنن عنجد :))

.
.
.

محمد ، مؤيد ، باسل

يررررحم أيامكـ يا مؤيّد .. والله كنت منوّر الجامعة ..
هاي الصورة في بيتنا .. كنا مجتمعين بمناسبة انو ما كان في ولا واحد في البيت من أهلي ( مسافرين ) .. وأنا لحالي مشان الصيفي قال
فـ اجو الشباب يونسوني ههههههه
بس شووووو .. مش طبيعي كان الوضع .. وعملنا نهفة أنا ومحمد .. هي احضروها ع الفيديو :

http://www.youtube.com/watch?feature=player_detailpage&v=IqycKDPw4Tw

.
.
.

صورة من معرض جرافيكا .. كالعادة أنا وأبو شريكـ ض2

.
.
.

أبو ايموووووووو هههههههههههههه
أنا وهيثم امام يوم حفل التخرج تبعه .. كان اشي غلط الحفل .. بس فشيت قلبو بالصور :p

ع راسي يا كبير ;)

.
.
.

أحمد زلوم ، وأنا

هاي الصورة في بيت الصديق أبو فوّاز .. محمد .. 

كان هوه يرسملنا سكتشات لمشروع الكولاج .. واحنا ننفذ .. وآخر اشي عمل اشي من عندو هههههههههههههه

.
.
.

اسماعيل محمد :D

طبعاً لسان حال اسماعيل بقول .. قيييييييييييييمممم ..
هاي الصورة ، بمناسبة تخرّج محمد أخوي من الجامعة :D
كان تخرجه من أبرز الأحداث هههههه
والله يديم الأفراح يارب  ♥

.
.
.

واحد ما بتعرفوه :p - أحمد بالنص - محمد فواز

بتعرفو شغلة ؟ ملعب الظاهرية بجنن، الي بدو يتحدّاني فطبل يحكيلي .. وبشوفه هناكـ :D


.
.
. 

الأستاذ شادي الرجبي


شايفين الزلمة الي بالصورة ؟ هوه أول أستاذ درسني بالجامعة، وأفضل أستاذ، وما بوفّيه حقه لو شو ما حكيت ..
المهم أنا حامل عليه .. وما بتوقع يسألني ليش .. بتعرفو ليش ؟
شوفو الصورة الي بعدها بتعرفو السبب ..


.
.
.

..
هههههههههههههههههههههههههههههههههههههههه
كنا طالعين رحلة ع بيت لحم .. مع الدفعة ( جرافيكس ) .. اجا جنبي الأستاذ شادي .. سألني ..
عمر معكـ جوال ؟ قلتلو لأ ..
عمر معكـ هويتكـ ؟ قلتلو لأ ..
عمر بتعرف تسبح ؟ قلتلو لأ ..
عمر مش حامل اشي معكـ ؟ قلتلو لأ !
طبعاً هاي الأسئلة ما كنت فاهم ليش بسألني ياها .. عن يميني كان مسبح الكبار .. وعن اليسار كان مسبح الأطفال ..
وما يكون خيّاب الأخ ...
هههههههههههههههههههههه

ع الهامش: مش مستجري أسدو ياها لأنو بهددني أحمل مواد كثير ههههههههههههههه


.
.
.

جدار الفصل العنصري :)

بتعرفو شغلة يا جماعة .. هاي الصورة صورتها قبل ما أفوت ع الأقصى تهريب في رمضان ..
مغامرات .. ذكريات .. عبادة .. تصوير .. وحياة كاملة عشتها ورا الجدار !!

المسجد الأقصى، صباحاً

ثاني يوم عند الفجر .. 
ما كان في أحلى منو في كل صوري :)

.
.
.

باسل، محمد، عمر، هيثم، أحمد، أ. حاتم ناصر الدين



وأخيراً، بهاي الصورة كان مكتمل مشروع محمد وهيثم .. وهاي صورة للفريق الي قام بالعمل كاملاً :D







وصلنا للنهاية،
بدي أحكي شغلة .. أو شغلات

كل سنة بنتعرف ع ناس جداد، وأصحابنا القديمين .. ببعدو شوي شوي .. أو أكثر ..
صلاح، محمد، محمد، محمد، محمود، ع راسي من فوق انتو .. كلكم :) أحسن صحاب عرفتهم بهالسنة :)

وفي ناس ما بنساها .. المفروض مرت بسرعة، بس ضلت .. ورح تضل ض2
وفي ناس موجودة من أول .. وضلت .. ورح تضل ♥

يارب السنة الجاية بنفس هالوقت .. تكونو محققين أهدافكم، تكونو بكل خير، نكون أمة أقوى وأحسن، لأن قضيتنا الحقيقية .. هيه الأمة :))
و على الخير نلتقي ♥



Goodbye 2012